رواية لعبة حب الفصل الأول 1 بقلم ميرنا ناصر
رواية لعبة حب الجزء الأول
رواية لعبة حب البارت الأول
رواية لعبة حب الحلقة الأولى
_خالتى قالتلى انك بتعيطى ومحلتيش ف الامتحان
=خالتك فعلا مش بيتبل فى بوئها فوله
_زى أختها بالظبط انا مش عارف هينموا على ايه النهارده اكيد خلصوا كل المواضيع بتاعت الكوكب كله
“ابتسمت”
_ماتجيبى شوية شاى.
=هتشرب من ورايا؟!
_اه عادى نِفسى حلوه مفيش مشاكل
=تصدق وتؤمن بالله انت اغلس حد شوفته ف الكوكب
_بت لسانك ميطولش هقصهولك
=مش هتقدر
_ليه ان شاء الله؟!
=عشان مش ههون عليك مين هيصدعك
_انتِ صح..
= انت كويس؟!
_اشمعنا
=طالما جيت هنا ومتكلمناش ف الصاله يبقى حابب تفضفض وتحكى انت وفرح كويسين؟!
_سبنا بعض مؤقت
=دا اللى هو ازاى؟!
_عادى انا وهى كل شوية مشاكل وخناق وزن ووجع دماغ ودموع ف قولت اخد ريست ونبعد لغايت مااهدى
=تفتكر هو ده الحل يامالك ؟!
_الحل الوحيد ان اخد نَفسى.. نفس عميق كدا.. وارتاح..وافكر واهدى واشوف ان كانت هتفضل كدا او لاء
=مالك احنا لما بنبعد عن اللى بنحبه دا بيسبب فجوة بينكم.. وساعتها هتحس ان البُعد سهل ودا هيسهل عندك حوار الترك انكم تسيبوا بعض بسهولة.. لما تقرر انك تسيب حد او تكون مع حد لازم تكونوا بتقرروا دا سوا وانتم مع بعض
“ضحك وبص لى بعمق “
_من أمتى الحكمة دى انا مش واخد على كدا؟!
=من زمان بس انت مش واخد بالك..
_بس انا مش هقدر اسيبها ياتوتا متقلقيش انا بحبها بجد
=عارفة انك بتحبها عشان كدا بقولك قرروا وشوفوا حل وانتم سوا
_ حاضر… مالك بقى يابتول ليكى امتحانين مش بتحلى ومش بتخرجى بره اوضتك ولا بتاكلى كويس ولا بتقعدى مع خالتو بره ولا بتردى على اصحابك ف الفون؟! فى ايه ياتوتا هتخبى عنى؟!
=دى خالتك اديتك تقرير يومى اسبوعى مفصل
_بصراحه ااه
“ضِحكت”
_على الرغم انى ضحكتك بتزيل اى حزن بس مش شايله الحزن اللى ف عيونك ولا الحزن اللى ف قلبى انى شايفك كدا
“حلو زى كل يوم، ريحه برفانه اللى بقيت مفضلة عندى زى الاوكسجين بالظبط ولما بشمها بحس براحه، دقنه كبرت شويه، اللون الاسود عليه حوار..دايما بيليق عليه، ليا اسبوع مشفتهوش، وكلامه الحلو وحشنى اجمل واحن واطيب ابن خاله واخ واب ف الدنيا “
_سرحتى ف جمالى طبعا، وخفة دمى وحلاوتى صح؟!
=ياخى يخربيت النرجسية دى ليها حق فرح تتعب معاك
“ضحك وبص ف عيونى “
_ طيب بذمتك ودينك مش انا حلو وقمر؟!
“بصيت له وابتسمت ابتسامة ممزوجة بخجل”
=بصراحة.. بصراحة
_انا بحب الصراحة زى عنيا
=زى الزفت
_انا بكره الصراحه جدا جدا انا بموت ف الكدب.. اكدبى عليا طيب دا جبر الخواطر ده لله..
“ضحكت واتكلمت بخجل”
_انت أجمل وأحن وأطيب إنسان شوفته ف حياتى، عيونك أمان، وصوتك دفا، وروحك الخفيفة ملجأ لإنسان هربان من واقع تعيس، وضحكتك وطن ممكن نعيش فيه اما عن قلبك.. ف قلبك ده جنه وصفها ربنا ف كتابه يستحيل على إنسان وصفها ، بابا واخويا وصحبى صورة الراجل اللى بتمناه ليا ف المستقبل بتمنى يكون شبهك كدا
“بصلى بعمق وتركيز شديد وضحك وملامحه كلها اللى إتبدلت “
_قد ايه طعم الكذب حلو
=انا عمرى ماكذبت عليك دى حقيقة بجد
“ضحك وبص لى”
_احم احم ماهو انا عارف انك صادقه وملامحك وانتِ بتقولى الكلام ده أصدق.. المشكله مش ف كدا، المشكله انى اتثبتت جامد من بنتى تخيلى انا مربيكى وبتثبت منك
“اتحرجت واتوترت ووشى إحمر”
=هعمل اتنين شاى وارجعلك
_بتول
=ثانية وراجعه
_بتول!!
=ايه
_انا عمر مابنتى كانت بتهرب منى كدا؟!
=يسطا حسيتك فهمتنى غلط وانى عكيت ف الكلام
= يا ايه؟! اسطا.. ماانتِ كنتِ كويسة يابنتى فى ايه؟!
_متعقدهاش ياشبح
=ايوه هى دى بتول اللى اعرفها مش عيونك وطن وبيت وبتاع.. بصى ياتوتا انا لو فهمت الدنيا كلها غلط مش هقدر افهمك انتِ غلط عارفه ليه؟! عشان انا اللى مربيكى وحافظك زى اسمى كدا وعشان عارف انتِ شيفانى اذاى وعارف انك عارفة كمان انا شايفك اذاى.
“اتنهدت “
=مش هتقوليلى مالك؟! عشان انا سألت السؤال عشرين مره ياكاريزما؟
_بقيت فضولى!!
=مش يمكن عايز اعرف بنتى مالها واطمن عليها او اساعدها او ياستى حتى حابب اسمع صوتها وهى بتحكى
“مسكت دموعى وحبستهم”
=هو انا عايشة ليه يامالك؟!.ايه اللى بعمله ف حياتى؟! هفصل عايشة عاله كدا لأمتى فى مليون سؤال ف دماغى مش عارفة.. كبر دماغك
_هسمعهم وهجاوب عليهم كلهم خدى نفس كدا واهدى واحكيلى
“دموعى جريت بسرعه وكأنها فرحت وخدت إفراج من سجن عيونى “
=اشمعنا انا اللى معنديش اب يهتم بيا يامالك ليه بابا أنانى وسافر بره وسابنا؟! ليه معنديش اخ او اخت عايشين معايا بدال ماانا عايشة وحدى.. ليه معنديش ام تسندنى عارف.. انا.. انا احيانا بحس ان عايشة لوحدى ف البيت مبتعملش حاجه غير انها بتخرج وبتتكلم مع فلانه او ف المطبخ او ف النادى او مع خالتو طيب وانا فيين انا فيييين ليه كل ده بيحصلى.. ليه معنديش اصحاب صادقين مش اصحاب مصالح عايزينك ف وقت احتياجهم..طيب اقولك سيبك من كل دول ليه معشتش قصه حب؟! هو ايه الحب اصلا؟ او امتى هحب واتحب والقى حد يحبنى ومحسش بتهميش او تجاهل او انى وحدى؟!
“مسح لى دموعى بانامله “
_خلصتى كل الاسئلة اللى هملحق فيهم دول ولا لسه
“ابتسمت “
=خلصت بالتوفيق حل بقا
_مش هحل حاجه عشان كل حاجه معاكى حق فيها ومقدر وحاسس بيكِ بس انا زعلت منك بتقولى ان معندكيش أخ؟! طيب وانا.. ومعندكيش اب اومال بتحسى اذاى انى بباكى؟! ياإيما انتِ بتقول كلام وخلاص وبتجاملينى يااما بتكذبى عليا وانتِ مبتعرفيش تكذبى عليا
=انت فعلا بابا انا فتحت عنيا لقيتك انت بابا واخويا ملقتش حد تانى جنبى غيرك اه اكبر منى ب 13سنه بس عادى بابا برضو
“بص ليا وضحك وعلى صوته”
_صح ياتوتا كبرتى وبقيتى بتحبى وبتسألى على الحب ايه ياعسل بتحب جديد ولا ايه؟!
“حطيت ايدى على فمه”
=يخربيتك يافضيحة يابنى احنا ف البلكونه وامى وامك جوه صوتك عالى
_مكسوفه ولا ايه استهدى بالله واحكيلى
=يادى النيلة يابنى هحب فين واعرف مين انا م الكليه للبيت وم البيت للكليه
_اومال ايه حوار انا هحب امتى وايه هو الحب والجو ده؟
=اقولك بس متزعقش؟!
“بص لى بضحك واتكلم “
_لا انا أب ديموقراطى اتفضلى ياتوتا احكى
“حطيت ايدى على وجهى زى الاطفال”
=بصراحه انا هموت وارتبط.. وأحب واكلمه ف الفون..وأطمن عليه واصدعه بقا ف كل الابلكيشنز من واتس لفيس لأنستا لتليجرام اجننه كدا .. واسهر للصبح معاه وأخرج وياه ويجبلى ورده.. ورده واحده بس واعمل سيشن
“بص لى واتصدمت وملامحه كلها غضب وفجاه ضحك ومسكنى من هدومى “
_شربتى سجاير ولا لسه ياسعديه ايه اللى بتقوليه ده؟!
=استنى بس ويكلم صحاباته مااكيد هيبقى عنده صاحبات بنات هقوله إياك تكلمهم واغير عليه جامد ف نتخانق ف اروح مموته نفسى من العياط بقى.. وانت عارف لما بعيط ضغطى بيوطى اروح مركبه كانيولا واصورهاله واقوله “انا قلبى واجعنى اوى..قلبى النونو مش مسامحك” ف هو يزعل جامد ويقولى لازم اقابلك ف يقابلنى ويجبلى شيكولاته وشيبسى وكولا ومصاصات و وردة ويشوف الكانيولا ف ايدى ف يمسكها ويُقبل يداى..
_يعمل ايه ياختى؟! يُقبل ايه ياعنيا؟!!..
=يداى ياجاهل ايديا يعنى ف انا اروح رزعاه قلم على وشه واقوله انت قليل الادب بس (قلم خفيف كدا عشان ميوجعهوش ) ف يتعصب ويمسك عصبيته ويقولى انتى مجنونه يابتول
_انتى فعلا مجنونه يابتول.. هرمونات امتحانات وهتروح لحالها ان شاء الله
=تفتكر لو اجرت حد يمثل معايا الدور لمده شهر.. يعنى تقدر تقول انه نسمى الحوار لعبة حب ف نأجره ونديله فلوس ونقوله انت هتمثل ف مسلسل لمده شهر..اسمه لعبة حب
_لعبة حب!!
=اممم..انا عايزه ارتبط انا مش عايزه اتعلم لاء
“ضحك وبص لى “
_والمرتبطين عايزين يفكوا بصى مفيش حد عاجبه حاله وبعدين ياستى بكره تحبى وتتحبى وواحد يخطفك منى بس هطلع عيونه وهمثل دور الحما جامد هعفرته مهو واخد بنتى بقى
“ضحكت “
=على اساس انك هتفضالى انا اصلا خايفه تتجوز مع اول بنوته ليك مش هتدلعنى انا ولا تهتم بيا وهتهتم بيها
_عارفه ياتوتا انا قررت لما نتجوز انا والبت فرح هسمى اول بنوته ربنا هيدهانى بتول بس ساعتها هتبقى بتول 2 وانتى بتول واحد مهما انشغلت او تعبت او اضغطت عمرى ماهنساكى ولا اهتمامى ولا مكانتك هتقل هو فى اب بينسى بنته
ملامحى اتبدلت وحزنت “
=في كتير بينسوا بناتهم
“بص لى بحزن وفهم انى بتكلم على بابا “
_ بس مش انا يابتول عمرى ماهسيبك ابدا ولا أنساكى ولا اهملك ومش عايز اسمع منك كلمه انا خايفه طول ماانا معاكى علطول
=حاضر
__________________________________________
——————————————
اليوم الثانى
_شكرآ إنك لبيتى طلبى وجيتِ يابتول
=هو مالك حصله حاجة يا أنسه فرح..
_لا
=تعب او شغله حصل فيه حاجة؟
_لا
=اتخانقتوا وحابه انى اتدخل بينكم؟!
_برضو لاء بصراحة يابتول انا جبتك هنا وانا عارفه انى مش بتعامل مع حد عنده عشرين سنه.. لاء انتى ناضجة وواقعيه جدا وحد مثقف وانا بحب دماغك اوى وبحترمها ف عشان كدا عايزاكِ رسول بالذات ان مالك بيعتبرك بنته وبيحبك وليكى مكانه عنده وبتعرفى تهديه لما يتعصب
=مالك اصلا مش عصبى مالك هادى لدرجة كبيرة جدا
_عارفة بس اكيد لما تحكيله اللى عايزاكِ تكونِ رسول فيه هيتعصب
=رسول!! رسول لايه بالظبط؟
_انا ومالك حبينا بعض من اولى كلية من واحنا ف سنك واستمرينا قصة حبنا واتخطبنا بس للاسف اتخلقنا ف مجتمع معقد وغبى فهمنا ان اول ما هنتجوز الحب بيهرب م الشباك ف أجلنا الجواز لغايت مابقيت 33سنه يعنى عانس ف وجهة نظر المجتمع الغبى برضو واخر سنتين كلهم مشاكل ونكد وتعب وعدم تفاهم وملل ومحدش بقى طايق التانى
“اتعصبت “
=بس مالك بيحبك ومزهقش منك مالك لسه إمبارح بيقولى..
“قاطعتنى ف الحديث”
_انا كمان بحبه وبعشقه بس زهقت م المشاكل والحياة النكد ومش هضحى بأنى اتجوز وجوازى يفشل بسبب المشاكل والنكد والحمدلله انها مجرد خطوبه
“بصتلها بغضب “
_انتِ محبتهوش.. اللى بيحب عمره مابيهجر ولا بيفارق ولا بيأذى ولا بيموت كدا.. انتِ عارفة انك بمجرد ماهتختفى هتأذيه نفسيا.. بتعملى كدا ليه انتِ حبيتى حد تانى.. ايه اللى اختلف انتوا ليكم اكتر من 13سنه مع بعض من ساعات ماكان عندكم 20سنه انتِ.. انتِ اكيد بتهزرى ماهو انا صعب اصدق الكلام ده
_انا مش بهزر وعايزاكِ تستوعبى
“بعصبية حادة”
_استوعب ايه انك عايزه تقتلى شخص.. ومش مجرد شخص دا اخويا انتِ بتقولى ايه؟!
=بتول اهدى احنا ف مكان عام والناس بتبص علينا انا مش جاية اتناقش ميعاد الطيارة بعد ربع ساعه هسافر مع ماما واسيب البلد كلها.عشان كدا اخترت الكافية اللى جمب المطار . الصندوق ده فيه كل شبكه والدهب اللى جابه مالك.. اه استنى ودى دبلته اللى عليها اسمه.. قوليله انى بحبه بس مش عارفه اكمل ومش عايزه..مش عايزه اعيش جواز فاشل
“مشيت وكانت عنيا اللى مليانه دموع عليها لحد مااختفت وفضلت متجمدة ف مكانى ومش عارفة اتصرف اذاى هقوله ايه دا إمبارح بس قالى لما نتجوز هجيب بنت وبيخطط والشقه اللى بيجهزها والفرح اللى بعد شهرين انا هقوله حب عمرك ضاع.. هقوله باعتك ومش قادرة تكمل يالله على اللى هيحصلك يامالك “
=مالك ازيك
_توتا انتِ كويسه؟! صوتك ماله.. انتِ بره مش كدا؟! توتا انتِ سمعانى
“استجمعت قوة صوتى واتنهدت “
=اه يامالك كويسه.. انت خلصت شغل؟!
_لا انا مش مرتاح لصوتك.. بس قاعد نص ساعه واخلص شغل
=طيب انا مستنياك ف كافية كوين عارفة؟!..يلا عشان نروح سوا
_ ايوة عارفة بس ايه اللى وداكى كافية جمب المطار يابتول؟! ولا اقولك خلاص هستأذن النص ساعه دى عشان متقعديش وحدك ف الكافيه.. واجيلك خدى بالك من نفسك
=ماشى سلام
_سلام
بعد نص ساعه
_انتِ مش كويسة أبدا يابتول متقنعنيش انتى وشك مخطوف وعيونك مشتته وايدك بتترعش فى ايه؟!ايه اللى جابك الكافيه ده انتِ حتى مبتحبيش الطيارات ولا اصواتها
“نسيت اقولكم انى بعشق ذكائه وانه لماح وبيفهمنى بسرعة البرق”
=كنت عايزه اقولك انك عظيم جدا يامالك وحنين وطيب
“بص لى وضحك جامد”
_يعنى انتِ بهدلتينى ونزلت وتعبت عشان تقوليلى الكلمتين دول
=لا عايزاك فى موضوع أهم بس ف البيت بقا لما اعملك كوباية الشاى بتاعتى اللى بتحبها
_ماشى ياست البنات اتفضلى على العربيه
“وصلنا البيت “
_اهو دخلنا البيت وعملتى الشاى اقعدى بقا احكيلى اللى حصل
=بص يا مالك انت عارف.. عارف ان ربنا بيختار لينا دايما الصالح. وانك دايما بتقول مشيئة ربنا الطف واعظم واصلح من مشيئه اى انسان
_ونعم بالله.. ايوه يعنى لازمه الكلام ده ايه.. مرحتيش الامتحان ولا شيلتى المواد من قبل م النتيجة تطلع مش فاهم بصراحة
=انا عارفة قد ايه بتحب فرح.. و مش عايزاك تقاطعنى وعايزاك تهدى
_يابنتى ماانتِ عارفة انى مش عصبى اصلا عشان أهدى بالراحه مالها فرح كلمتك واشتكتلك زى المرة اللى فاتت
“اتنهدت”
=احم احم بصراحه احنا اتقابلنا
“ضحك وبص لى “
_بقيتِ امى يعنى والناس بتشتكيلك منى
=مالك.. ااا…فرح..مش.. يعنى ..
“ضحك جامد وبص ليا ومسك ايدى “
_الشريط علق ولا ايه اهدى.. خدى نفسك كدا شهير وزفير وبهدوء اتكلمى.. انا مبحبش التوتر والجو المشحون ده
ابتسمت ابتسامه متلونة بالحزن واخدت نفسى واتكلمت بسرعه رهيبة”
=مالك فرح مش عايزه تكمل معاك هى كلمتنى وقالتلى كدا واديتنى شبكتك ودهبك وحاجتك كلها ف الشنطة الكبيرة دى و و وسافرت
_بلاش هزار انتِ هتتسلى بيا ولا ايه
=مالك اسمعنى اللى بقوله دا صح انا..انا ليا ساعه بفكر طول الطريق واحنا ف الكافيه ومن قبل ماتيجى افاتحك وامهدلك الموضوع اذاى مش عارفه
_بتول فين فرح انطقى..
=فرح سافرت ميعاد الطيارة بتاعها كان قاعدله ربع ساعه عشان كدا كلمتنى واتقابلنا ف الكافية اللى جنب المطار وبعد ماخلصت كلامها ركبت الطيارة علطول
“كسر الكوباية اللى ف ايده وبص لى بعصبية.”
_ليه مكلمتنيش ف وقتها.. ليه يابتول عملتلك ايه سبتيها تمشى ليه..
=مالك انت عارف مكانتك اكيد حاولت بكل طاقتى بس هى
“قاطعنى”
_انت بتكرهيها يابتول صح؟! عشان كرهك ليها سبتيها تمشى هى لاحظت انك مش متقبلاها وقالتلى وهى كانت بتحبك اكيد انت فهمتيها انه مش بحبها.. قوليلى عملتى كدا ليه..كانت ليها حق لما قالت انك بتنفسنى منها.. وبتوقعى بينا وانا عبيط وكنت بدافع عنك
“عيطت من صدمة الكلام “
=مالك..مالك انت بتقول ايه.. انا بكرهها.. طيب ليه؟! دا انا بصالحكم على بعض.. دا انا كنت بفكرها بعيد ميلادك وانزل اتمرمط واختارلك الهدايا عشان شغلها ميتعطلش وعلى قلبى زى العسل .. بكرهها؟! اذاى!! وانا امبارح بقولك قرروا سوا.. بكرها وانا بهديك كل ماتعمل معاك موقف وحش وتزعل واطيب انا بخاطرك انت.. انت بتقول ايه انا انا هوقع بينكم.. انا اللى بوصيها عليك.. انا هنفسن منها يامالك طيب وليه؟!
_اهى شوفى انتِ بقا شغل بنات
“ماما دخلت الصالون على صوتنا العالى”
°°معقول ياولاد صوتكم ده انا اول مره اشوفكم كده
“اخدت نفسى ومسحت دموعى “
=ماما لو سمحتِ اطلعى دلوقتى بره اسفه بس اتفضلى ياماما
_ياريت ياطنط انا محتاجها هى بس حقك عليا
°°ههه ايه ياولاد الكسوف ده حاضر هطلع اهو بس براحه شوية دا انا اول مره اشوف لمالك صوت عالى..
=بما انها طلعت تعالى يامالك شوف الشتات بينا.. شوف طريقة كلامها عليك كانت بتكرهنى فيك وبتقول انك بتمد ايدك عليها وانك متحرش متستغربش فى اوحش من كدا وبتوحشلى ف صورتك.. تعالى اروريك اتفاقات بينا انى انزل احضرلك بوكسات وحاجات تفرحك.. اتفرج شوف كل لبسك وكل الهدايا دى زوقى انا ومجهودى انا وتفكيرى انا.. انا من تالتة ثانوى وانا بعمل كل ده وانا ف تالته جامعه حاليا شوف كام سنه بتعرف تعد؟!! هنفسن ليه عشان احلى؟! لا يامالكانا احلى.. انا واثقه ف نفسى جدا بص ف المرايه كدا انا احلى شكلا وموضوعا.. هنفسن من ايه او اغير من ايه؟! دا انا يوم ماكنت بجيب فستان القيها نزلت جابت زيه بالظبط. دا انا لو اتصورت صورة وحطيتها انستا تانى يوم كانت بتتصور بنفس الوضعيه .. ولو شخصية واطباع ف انا قلبى مفيش اطيب منه على الاقل مش بوقع بين الناس.. كانت بتكرهك فيا وعلى الجانب التانى بتكرهنى فيك.. تفتكر ليه؟! مين اللى بينفسن وبيغير يامالك.. انطق رد ولا لسانك بلعته القطه دلوقت .. مين كان بيستغلك وبيسحب منك فلوس؟! …. مين كان مخليك تنزل تشتغل 15 ساعة؟! مين كانت بتجرح مشاعىك ومبترضاش باللى ربنا كاتبه؟! مين قطعك عن كل اصحابك الولاد؟! دا انا مكنتش قادره اقولك انك ياريت تسيبها عشان اصلا…. انا مش هكمل كلام عشان مطلعش بنفسن وبغير
“كان واقف بيبص ف الشاتات بينا ومصدوم وبيبص لدموعى وكلامى وفى اثر دموع ف عيونه “
=عموما ياابن خالتى دهبك وحاجاتك اهى وانا اسفه اسفه لكل السنين اللى فاتت اللى كنت بحاول اسعدك زى ما كنت بتعمل او كنت فاكره انك بتعمل ده انا داخله اوضتى بعد اذنك..وخلى الفون معاك خده معاك البيت واقرى كويس كدا كدا مفيش خصوصيات اخبيها عليك
“سيبته واقف والدموع محبوسه ف عيونه ومصدوم ودخلت اوضتى.ميته م العياط هو فاكر طول السنين اللى فاتت انى بوقع وبنفسن وبغير طيب اذاى؟! مش قادره اهدى نفسى ولا اطلع اقف جمبه”
بعد ربع ساعة
=ماما مالك فين؟!
°°هو حاصل ايه ياحبيبتى
=شادين ياماما عادى مالك فين؟!
°°دا قعد وكان ماسك فونك وبيقلب وبيعيط دخلت بالشاى، مسح دموعه وقال انا مروح ياخالتو وراجع بعد ساعة او اتنين والشنطه دى دخليها ل بتول لما تصحى من النوم
“هو عارف انى لما بزعل او بتخنق بنام واصحى اهدى بس المرادى هو اول مره ميفهمش انا اتجرحت اذاى”
=ماشى ياماما انا هاخد الحاجه جوا وهنام يعنى لو جه قوليله نامت ماتت اى حاجه
°°هو فى ايه ياحبيبتى
=بيهمك امرى اوى ..
°°طبعا انت بنتى و
“قاطعتها ف الحديث وعيطت “
=انا مش بنتك انا انا ادمرت وخلتونى.شخصية اعتمادية مرهقه للغير اعتمدت على انسان وبقى ابويا وامى واخويا وكل حاجه وادينى ضريته وضريتنى.. بنتك؟!! بنتك اذاى دخلتى ف مره قولتلى مالك حضنتينى.. سالتينى بتحبى ايه او بتكرهى ايه هو الوحيد.. اللى اهتم بكل حاجه ودلوقت.. دلوقت طلعت وحشة وبنفسن وبوقع ليه ياماما عملتوا فيا كدا ليه انا بكرهكم بكرهكم كلكم بما فيكم مالك
_انا سمعت كل حاجه انا كنت متاكد انك مش هتعرفى تنامى بس انا عايزه افهمك
=انا مش عايزه اسمع منك حاجه يااستاذ مالك ولو سمحت خد حاجتك واتفضل وجودك ملهوش اى لازمه
°°بنت انتى بتقولى ايه ازاى تقولى كدا لابن خالتك..انتى واعية للكلام اللى بتقوليه
=انا اكتر وقت فايقه وواعية هو الوقت ده لما عرفت قد ايه ناس ب وشين
_خالتو لو سمحت سبينا وحدنا
“خرجت ماما من الصالون وعنيا مليانه دموع وهو عيونه كانت شديده الاحمرار واثار الدموع باينه عليه ومهدود “
_ اهدى انا مش قادر اناهد وتعبان جدا..عايزك تنزلى معايا للدكتور عشان حاسس انى هموت وانا واقف
“بصيت له وقلبى وقع من الخوف وفعلا طريقته، نفسه ووقفته متغيرة وهمدان جامد”
_بتول… لو مش عايزه خلاص ان
=جريت ناحيته ومسكت ايديه انت كويس،حصلك ايه؟! ط..طيب حاسس ب ايه؟!..هااا رد عليا قولى اى حاجه؟! مالك…
_انا انا…مش عايزك تزعل…
“لقيته وقع من طوله واغمى عليه قعدت اصرخ واعيط “
=اسعاااااف ماما رنى على الاسعاف مالك مش بيفوق اسعاااااف .. مالك رد عليا عشان خاطر توتا بنتك طيب فوق.. شم البرفان ده اللى بتحبه.. مالك لاء يامالك رد عشان خاطرى.. طيب فتح عيونك اعمل اى حاجه.. مالك مهو مش هينفع ياامالك انت كمان تسيبنى
“حطيت ايدى على قلبه عشان اشوف نبضاته “
مفيش نبضات.. لاء يامالك مش هينفع انا ماليش حد يامالك عشان خاطر ربنا قوووم يامالك يلا
°°الاسعاف وصل اهدى ياحبيبتى دا اغماء اهدى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعبة حب)
تعليق واحد